/

War Deg Deg Ah:- Ciidamada Dowladda Oo Kooxda Al-Shabaab Ku Cariyay Shacabka Sh/hoose!

Filed under: Waraka Maanta,Warar |

(HayeNews.com)-Wararka ka imaanaya Gobolka Shabeellaha Hoose ayaa sheegaya in ciidamada dowladda Soomaaliya ay isaga soo baxeen deegaanadii ay shalay la wareegeen, sida ay xaqiijiyeen saraakiil ka tirsan Ciidamada xoogga dalka.

Ciidamada xoogga dalka ayaa shalay la wareegay deegaanada Awdheegle, Mubaarak iyo tuulooyin hoos-taga degmada Afgooye oo ay ku sugnaayeen Al-Shabaab.

Guddoomiye kuxigeenka Maamulka Gobolka Shabeellaha Hoose C/fataax Xaaji Cabdulle ayaa sheegay in ciidamada aysan ujeedkooda aheyn inay deegaanadaas saldhig ka sameystaan, balse qorshuhu ahaa inay burburiyaan saldhigyada Shabaabka ku lahaayeen.

Ciidamada dowladda ayaa howl galka ay ku qaadeen deegaano ka tirsan Shabeellaha Hoose waxaa kala qeyb qaatay Ciidamo Mareykan ah

Al-Shabaab ayaa sheegay inay dib u qabsadeen deegaanadii shalay ay soo galeen Ciidamada dowladda.

Ma ahan markii u horeysay ee ciidamada dowladda ay la wareegaan deegaano, dibna uga soo baxaan, horay waxaa ay u qabsadeen deegaanka Bariire, iyagoo muddo kaddib isaga soo baxay.

Kooxda Al-Shabaab ayaa inta badan marka ay ku laabato Deegaano ay Ciidamada Dowladdu ay kala wareegeen, waxaa ay si xun ula dhaqantaa Shacabka Deegaanka, Iyadoona Bandow ku soo rogta Deegaanadaasi, sidoo kalena xirta qaar ka mid ah Dadka deegaanka oo ay sheegto in ay La Shaqeeyaan Ciidamada Dowladda iyo Kuwa AMISOM.

SI AAD U HESHO WARAR DHEERAAD AH HALKAAN RIIX

Leave a Reply

Your email address will not be published. Required fields are marked *